Assi: Kommuneqarfik Sermersooq

Kalaallit Airports: Mittarfittaassap isikkorinnerunissaanut suliaq aallartereerpoq

Nuummi mittarfissaq takujuminartuussaaq, sillimaniarnerli pingaarnerusoq, Kalaallit Airportsip pisortaata oqaatigaa. Pisortap nalunaaruteqarnera Kommuneqarfik Sermersuup sanaartornerujussuup takujuminaannissaanik ernumateqarneranut akissutaavoq.

Nuummi mittarfittaassap takujuminarnerusinnaanera, Kommuneqarfik Sermersuumi borgmesterip Asii Chemnitz Narupip ujartorpaa. Borgmesterillu taama ujartuinera Kalaallit Airportsip pisortaanerata Steffen Ulrich-Lyngep tamanna qanoq isumaqarfigineraa aperaarput, akivorlu:

- Taanna tuaavarput. Kommunimilu psiortaanertaat qanittukkut ataatsimeeqatigaagut. Tassani oqaluuseraarput qanoq ililluta suleqatigiilluta kusassaanissarput anguniarsinnaanerlugu. Tassani aamma oqaatigisariaqarparput sillimaniarneq pingaarnerpaarpaasoq. Sillimaniarneq pingaarnerpaavoq pissutigalugu mittarfik mitarfittut atortussaagami, Kalaallit Airportsimi pisortaaneq Steffen Ulrich-Lynge Qanoruumut ippassaq unnukkut taama oqarpoq, nangillunilu:

AAMMA ATUARUK Asiip mittarfissaq takujuminartuutinniaraa

- Allatut sananeqarnissaa aallaqqaataaniilli eqqarsaatiginikuunngilarput pissutigalugu  mittarfissuup sananeqarnissaanut atatillugu nainginnaavoq ujarasssuit atorneqarlutik, taavalu qaleriiaarneqartut kusanartumik iliuuseqarfigineqarlutik suliarineqartussaagamik, Steffen Ulrich-Lynge oqarpoq.

Mittarfittaassap isikkorissuunissaanut suliaq aallartinneqareersoq, Steffen Ulrich-Lyngep oqaatigaa, mittarfissap illutassaanut unammisitsisoqarsimanera nassuiaatigalugu.

AAMMA ATUARUK Kalaallit Airportsip sanaartornermit akornusersuinissat pillugit paasinnittoqarnissaa neriuutigigaa

Mittarfitaassallu ilusissaa pillugu kommuni suleqatigilluarneqartoq, Kalaallit Airportsip pisortaanerata oqaatigaa:

- Mittarfiup ajunngitsumik miffigineqarsinnaanissaata pingaaruteqassusaa naatsorsuutigissavarput. Kusanartumik suliassaat saassuma saniatigut soorunami suliarineqassapput. Taassumallu qaavatigut immikkut takusassiarineqarnissaat uagut aamma kommunilu suleqatigiilluta anguniassavarput, Kalaallit Airportsimi pisortaaneq Steffen Ulrich-Lynge Qanoruumut ippassaq sisamanngornermi taama oqarpoq.

AAMMA ATUARUK Kalaallit Airportsip suliariumannittussarsiuussineq januaarimi aallartissangatikkaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat