Mittarfiit pillugit siunnersuut ataatsimiititalimut ingerlateqqinneqartoq

Mittarfiit pillugit Naalakkersuisut siunnersuutaat akunnerit arfinillit missaannik sivisutigisumik oqallisigineqareerluni nalunaaqutaq tallimanngulersoq naamassineqarpoq, ilaasortat 16-it tapersersuipput qulingiluat akerliullutik taasisut.
Inatsisissatut siunnersuummi tunngaviuvoq, Nuummi Ilulisanilu mittarfiit 2200 meterisut tallineqarnissaat, Qaqortumilu nunap immikkoortuani timmisartunut mittarfiliornissaq. 

Naalakkersuisoqatigiit Siumut, Atassut aamma Nunatta Qitornai, sinnersuutip taamatut isikkoqarluni  inatsisartuni pingajussaanerneqarnisaa sinnersuutigigaluarpaat,  Demokraatiniilli kissaatigineqarpoq, inatsisissatut siunnersuut annertummmat pingaaruteqarmallu, inatsisartut aningaasaqarnermut akileraartarnermullu ataatsimiititaliami suliarineqassasoq. 

AAMMA ATUARUK Danmark sunniisinnaassuseqarpallaalissaaq

Taamaaliornikkut inatsissatut siunnersuummut paasissutissaniik amerlanerusunik ataatsimiititaliami ilaasortat pissarsisinnaapput, siunnersuutip pingajussaaneqarnisaa pitinnagu. 

Naalakkersuisoqatigiit partiianni oqaaseqartartoq, Karl Kristian Kruse (S) inatsisissatut siunnersuutip taasissutgineqarnera kingorna ima oqarpoq:

AAMMA ATUARUK Sakkutuulersornerulersinnaaneq qallunaallu akuliunnissaat IA-p aarleqqutigigaa

- Siunnersuummi pasissutissat pisariaqartinneqartut siunnersuutip siullermeerneqarnerata aappaassaaneerneqarnissaalu sioqqullugu pissarsiarineqartut, Karl Kristian Kruse oqarpoq. 

Siunnersuummi allannguuteqartoqassanersoq ilassuteqartoqassanersorlutuunniit Karl Kristian Kruse aperineqarami ima akivoq: 

- Siumut naalakkersuisoqatigiillu siunnersuut taamatut isikkoqartillugu aalajangiusimagaat, kisiannili atatsimiititaliami ilaasortat allannguuteqarnissamik siunnersuuteqarsinnaasut. 

Inatsisartuni oqallinneq naggaserlugu, Aningaasaqarnermut Naalakkersuisoq Vittus Qujaukitsoq Naalakersuisut sinnerlugit tulluusimarluni ima oqarpoq: 

AAMMA ATUARUK Naalakkersuisoqatigiit Demokraatillu Mittarfiliortiternissamik suliaq ingerlateqqeqquaat

- Tamanna Kalaallit Nunaata nunarsuarmi inissisimaneranut annertuumik alloriarneruvoq.

Mittarfiit nutaat pingasut Kalaallit Nunaata nunarsuup sinneranut, nunarsuullu sinnerata Kalaallit Nunaannut qaninnerulersissavaa, Vittus Qujaukitsoq oqallinneq naggarserlugu taama oqarpoq.

Inatsisissatut siunnersuut inatsisartuni pingajussaaneerlugu oqaluuserineqassaaq novemberip ulluisa 15-anni