Sakkutuulersornerulersinnaaneq qallunaallu akuliunnissaat IA-p aarleqqutigigaa

Apeqqutit partiimit saqqummiunneqartut akineqarneq ajortut, IA misigisimavoq.

Qaqortup mittarfissaata tikikkuminaassusianik paassisutissanik IA ujartuivoq. Suliniut nngittumik ingerlateqqinniaraanni, Qaqortup tikikkuminassusiata 80 procnetiinnaanera naammaginanngitsoq, Partii isumaqarpoq.

Danskit naalagaaffialu  isumaqatigiissummi immikkuualuttut qanoq isikkoqarumaarnerannut, partii ernumassuteqarpoq. Partiip matumani piumasaraa, naalagaaffik Kalaalit Airportsip siulersuisuini naagaarsinnaatitaassanngitsoq.

AAMMA ATUARUK Naalakkersuisoqatigiit Demokraatillu Mittarfiliortiternissamik suliaq ingerlateqqeqquaat

Taava aamma Kangerlussuup Narsarsuullu siunissami qanoq pineqarnissaat, IA-mit ujartorneqarput, nunaqarfinni taakunani suliffiit amerlasuut matuneqartussaammata.

- Isumaqarpugut nunatta inoqarfiini suliffiusunik matusinikkut innuttaasut nuuttariaqalernerisa qanoq kinguneqarsinnaanera ilinniutigereeripput, kukkussutillu taakua uteqqissanngilagut, IA-mi politikikkut oqaaseqartoq Aqqaluaq  B. Egede oqarpoq.

AAMMA ATUARUK Mittarfiliortiternissamut pilersaarut ataatsimiititaliami avissaartuutsitsisoq

Amerikamiut mittarfiit sanaartorneqarnissaannut aningaasalinermikkut sakkutulersornerulernissaat, partiip isumakulunnartippaa.

- Kalaallit Nunaata Issittumi sakkulersoqqinnissamut nunaminertanik atuiffigineqassanngitsoq uagut erseqqissumik isumaqarpugut, IA p oqaaseqartartua Aqqaluaq B. Egede oqarpoq.