Mittarfiit nutaat Mittarfeqarfiit akissutissarserupput

Tusarniaalluni akissutigineqartuni, KNR-ip allagaatinik takunissinnaanermut pissarsiaani tamanna atuarneqarsinnaavoq.

Nuummi Ilulissanilu mittarfiit tallineqarnissaannut Qaqortumilu mittarfiliornissap aningaasalersorneqarnissaannut siunnersuummi, apeqqutit arlaqartut Mittarfeqarfimmit akissutissarsineqarusupput.

Nuummi Ilullissanilu mittarfiit tallineqarlutik suliarineqalerpata, mittarfiit taakkua marluk ingerlanneqarnerat Kalaallit Airportsimit akisussaaffigineqalissaput. 

AAMMA ATUARUK Kangerlussuaq Narsarsuarlu misissuinermi nutaami qumariartorput

Inatsisissatut siunnersuummi , mittarfiit tallineqarlutik suliarineqarneranni, Mittarfimmit attartorneqarnissaat siunniunneqarpoq, ulluinnarnilu ingerlanneqarnerat isumagalugu.

Mittarfeqarfiit tusarniaaffigineqarlutik akissuteqarnerminni, mittarfiit tallineqarlutik suliarineqarneranni, attartorneqarannut qanoq amerlatigisunik akiliuteqartassanerlutik qulakkeerusuppaat, Miattarfeqarfimmi isumaqarput immikkut akiliuteqartussaallutik.

Immikkut akiliuteqartoqarnissami tamanna kikkunnit akilerneqassanersoq, Mittarfeqarfimmit qulakkeerneqarusuppoq.

Mittarfiit Kalaallit Aiportsimit akisussaaffigineqalerpata, Nuummi Ilulissanilu mittarfinni sulisut, qanoq pineqassanersut Mittarfeqarfimmit aamma paaserusunneqarpoq. 

AAMMA ATUARUK Kangerlussuarmi amigartoorutit Kielsenip matussuserusuppai

Qulaani pineqartut pillugit Mittarfeqarfiit oqaaseqartinniarneqaraluarput, taakkuali Attaveqaqatigiinnermut Naalakkersuisoqarfimmut innersuussipput, suliffeqarfiit Namminersorlutik Oqartussat pigisaanik oqartussaasuummata.

Mittarfiit tallineqarnissaannut aningaasalersorneqarnissaat inatsisartut upernaakkut ataatsimiineranni oqaluuserineqartussaagaluarpoq.

Qinersisoqartussaanerali pissutigalugu kinguartinneqarpoq, qaqugulu oqaluuserineqassanersoq suli ilisimaneqanngilaq.