Kangerlussuarmi amigartoorutit Kielsenip matussuserusuppai

Mittarfik "nammineq napatissinnaanngornissami tungaanut" nunap karsianit akilerneqassasoq Kim Kielsen Sermitsiamut oqarpoq.

Qineqqusaarnermi neriorsuut taanna Kangerlussuarmi killeqanngitsumik aningaasartuuteqarsinnaanermik Sermitsiap taavaa.
Ilulissani, Nuummi Qaqortumilu mittarfiliortoqarnerata inuiaqatigiit aningaasaqarneranut qanoq sunniuteqarnissaat pillugu nalunaarusiap paasissutissiisussamik attaveqaqatigiinnermut naalakkersuisoqarfik nalunaarusiamik naammassinnileruttorneranni, Kangerlussuup amigartoorutaanik akiliinissamik qinersinissamut neriorsuuteqartoqarpoq.

AAMMA ATUARUK Kangerlussuarmi umiarsualivik takornarianut iluaqutaassaaq

Qeqqata Kommunianili takornariartitsinikkut periarfissat eqqarsaatigalugit, Kangerlussuarmi mittarfik sumiiffimmut takornariat angallannerannik tunngaveqartumik niuernikkut ingerlanneqarsinnaasoq, Kim Kielsenip qularutiginngilaa. Sermitsiaq.AG taama allaaserisaqarpoq.

Ilulissani Nuummilu mittarfissat ukiuni tulliuttuni pingasuni sanaartorneqarnissaat naatsorsuutigineqarpoq, Kim Kielsenillu naatsorsuutigaa piffisaq Sisimiut Kangerlussuullu akornanni aqqusinniornissamut atorneqarsinnaasoq, tamaani takornariartitsisarnerup ineriartortinneqarnissaanut atorneqarsinnaalluni.

AAMMA ATUARUK Kangerlussuarmi akunnittarfik aningaasakilliorunnaartoq

AAMMA ATUARUK Sisimiut Kangerlussuullu akornanni aqqusinissaq pillugu suleqatigiissitaliortut