Sisimiut Kangerlussuullu akornanni aqqusinissaq pillugu suleqatigiissitaliortut

Sisimiut Kangerlussuullu akornanni aqquserngiornissaq pillugu Qeqqata Kommuniata aamma Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfiup akornanni suleqatigiissitaliornissaq naalakkersuisup Erik Jensenip borgmesterillu Malik Berthelsenip isumaqatigiissutigaat.
Assi © : Naalakkersuisut.gl
Allattoq Inge S. Rasmussen
novembarip 15-at 2017 08:04
Nutserisoq Simon Uldum -

Suleqatigiissitaq Sisimiut Kangerlussuullu akornanni aqquserngiortoqarnissaanik Qeqqata Kommuniata kissaataanut tunngasunik suliaqassaaq.

Namminersorlutik Oqartussat tusagassiorfinnut nalunaarummi taama allapput.

Suleqatigiissitaq suliniut pillugu nalunaarusiamik naalakkersuisunut kommunalbestyrelsimullu 2018-imi apriilip aallaqqaataa nallertinnagu saqqummiussissaaq.

Aqquserngiornikkut takornariartitsinikkut ineriartortitsinissaq inuussutissarsiutinillu ineriartortitsinissamut assartuinermilu periarfissat pitsaanerulersinneqarnissaat kommunip kissaatigaa.

Suleqatigiissitap naalakkersuisoqarfiit susassaqartut allat sulinermini aamma akuutissavai, soqutigisaqaqatigiinniillu namminersortunit aningaasaleeqataasinnaasuniillu paasissutissanik piniarsinnaassalluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk