Steen Lynge: Ikiaroornartumut misissuisalernissamik siunnersuut taperserneqartariaqanngilaq
Asasara Nivi, siunnersuut utertiguk!
Ilinnialerniartut ilinniarfinni ilinniartullu ineqarfiini ikiaroornartumut misissorneqartalernissaannut ilinniartitaanermut naalakkersuisup siunnersuuteqarneranik utertitseqqusilluni Atassummiit Steen Lynge taama inassuteqarpoq.
- Ilinniarfinni ilinniartullu ineqarfiini ilinnialerniartut misissorneqartalernissaannut siunnersuut kimilluunniit taperserneqartariaqanngilaq, Steen Lynge allappoq.
Ilinniarfiit ilinniartullu avatanngiisiisa illersorneqarnissaasa kissaatigineqarnerat siunnersuummi aallaaviusoq Nivi Olsenip oqaatigaa, nangillunilu oqaatigaa misissuisarneq pinerit tamaasa atuuttussaanngitsoq, ilinniarfiilli ilinniartullu ineqarfiisa pasitsaassinermi atorsinnaasassagaat.
Aamma atuaruk VIDEO Inatsisartuni ilaasortat misissugassinik quisitsineq isornartorsiorpaat
Ilinniarfinni sulisut politiit pinerlunnermut tungassuteqartumik suliaannit akissaaffimmik tigusillutik misissuisinnaalernissaat Steen Lyngep apeqquserpaa.
- Tamanna naalagaaffiup inatsisit tunngavigalugit naalakkersugaaneratut ikkunnaarluni innuttaasut ataasiakkaat pisinnaatitaaffiinik nanertuussinerujussuussasoq, Atassummeersoq isumaqarpoq.
Isumaqarporlu ilinniarfinni ilinniartut erseqqissaavigineqartariaqartut inatsisinik unioqqutitisinerit oqartussanut unnerluutigineqassasut pitsaaliunertigullu ikiaroornartunik atuisarneq pinaveersaartinneqartariaqartoq.
Siunnersuut Inatsisartuni novembarip qulingani sisamanngornermi aappassaaneerneqassaaq.
