IA-p aasami ataatsimiinnera: Misissuineq nannup trikineqarneranik takutitsinngilaq

Suliaq Nunatsinni Uumasunut Nakorsaqarfiup Inuussutissalerinermullu Oqartussaaffiup Nunatsinnilu nakorsaanerup kalerriissutigaat. Nanoq sassaalliutigineqartoq kalaalimineerniarfimmi tuniniarneqalinnginnerani, misissuineq eqqortoq malillugu misissorneqarpoq kingornalu Inuit Ataqatigiit aasami naapeqatigiinneranni sassaalliutineqarpoq.

- Neqi piffissami sivisuumi uukkukku imaluunniit siakkukku tunillanneqarnissamut aarlerinartuerutissaaq, tusagassiutinut nalunaarummi ataatsimut allapput.

Kalaallit Nunaanni neqi qeritinneqarluniluunniit panertinneqaraluarpat trikinip uumasuarai toqunavianngillat uumasuaqqat silaannarmut nillertumut panertumullu naleqqussarsimagamik. Taamaammat ima siunnersuuteqarput:

- Neqip iganerani sianneraniluunniit neqip issunerpaaffiata kiassusia minnerpaamik 75 grader celsiusimik kiassuseqassaaq.

Inuit Ataqatigiit aasami naapeqatigiinnerata kingorna nannup neqaata sinnera Danmarkimut laboratoriamut nassiunneqarpoq, misissuinerup nanoq tikininik uumasuaraqartoq takutippaa.

Tunillatsinnermiit sapaatit akunneri ataatsip sisamallu ingerlaneranni nappaatip sunniutai ersertarput. Uumasuaqqat qanoq amerlatigineri apeqqutaallutik sunniutit ersertarput.

Nappaatip ersiutai qanorlu katsorsarneqarsinnaanerani uani atuarneqarsinnaapput.