MIO-mit atuagaq meeqqat killiliisinnaanissaannut ilinniut saqqummissaaq

Atuartitsinermi atortussiat siunertaraat meeqqat isumassuisinnaanerannik isumassorneqarsinnaanerannillu nammineq allallu killissaannik ilisimasaqarnissamik, taakkulu qaangerneqaraangata naaggaarsinnaanerannik ilinniartitsissutaasussamik.

- Meeqqat pisinnaatitaaffinnut ilisimasai periarfissaallu suuneri ersersinniarlugit. Soorlu kannguttaattuliorfigineqarunik imaluunniiit killissaminnik qaangiiffigineqarunik, MIO-mi meeqqanut siunnersorti, Ellen Bang Bourup oqarpoq.

Sammisat arfinillit

Meeqqat pisinnaatitaaffii pillugit sullissivimmut saaffiginnissutaanerpaasartut peqqutigalugit sammisat atuakkami pineqartut aalajangiunneqarsimapput.

- Sammisarivai timimut nammineq oqartussaaneq, piumassusit malugissutigullu, killissat, timip ineriatornera, isertuussat taavalu imminut paarineq.

Aamma atuaruk Meeqqat illersuisuat: - Meeqqat illersornissaannut iliuutsivut annikippallaarput

- Ulluinnarni sulinitsinni naapittakkagut ilaatigut taakkuusimapput. Isumaqarpugut atuakkami taakku  pisariaqarnerussasut  paasiniutitsissutigissallugit.

Meeqqat mikinerannit killiliisinnaanermik ilinniartinneqarnissaat tamatta inersimasuusugut pisussaaffigaarput akisussaaffigalugulu.

- Killiliisinnaaneq naaggaarsinnaaneq pitsaaliuineruvoq nammineq. Soorlu pitsaaliuinerusinnaavoq kannguttaattuliorfigineqarnissamut taamatuttaaq pisunut allanut, meeqqanut siunnersorti Ellen Bang Bourup naggasiivoq.