- Una quarsaarnarpoq. Meeqqamut kinguneqarnerluttorujuussaaq, Jonna Ketwa oqarpoq.Assi: Merete Lindstrøm

MIO aamma Meeqqat Ikiortigit kommunip suliamik isumaginninnera sakkortuumik isornartorsioraat

Meeqqamik inissiinermut tunngasut ukiuni arlalinni suliarineqarangata, Naalagaaffiit Peqatigiinni meeqqqat pisinnaatitaaffiinik unioqqutitsineruvoq, taamalu pisoqaraangat meeqqap ineriartorneranut kinguneqarnerluttarpoq.

Quarsaarnarpoq kipiluttunarlunilu

Kommunimi suliat ingerlanneqartut assuarnartumik kukkuluttorneqartarnera kinguneqartinneqartariaqarpoq. Inunnummi sullitanut kinguneqartarpoq. Meeqqat Ikiortigimi siulittaasoq taama oqarpoq.

Angajoqqaajusup meeqqami angerlartinneqarnissaanik qinnutaata Avannaata Kommunianit 2013-imiit ukiuni tallimani uninngatiinnarneqarsimammat, Ombudsmandip kommunimut sakkortuumik isornartorsiuineranut peqatigiiffiit marluk taama qisuariaateqarput.

- Ilaana ilisarsisaqaanga, ulluinnarni sulininni suliat kigaappallaartut kukkuneqartut immaqaluunniit ingerlanngitsut MIO-mut ulluinnarni saaffiginnissutaajuartarput. Kisianni aamma sinerissami illoqarfinni nunaqarfinnilu angalagaangatta taanna nutaajunngilluinnarpoq, Aviaja Egede Lynge oqarpoq.

Kukkuluttortoqaqqissanngilaq


Meeqqat Ikiortigit siulittaasua Jonna Ketwa suliamuttaaq quaarsaarpoq.

- Una quarsaarnarpoq. Meeqqamut kinguneqarnerluttorujuussaaq, Jonna Ketwa oqarpoq.

AAMMA ATUARUK Avanaata Kommuniata suliaq sivisuallaartumik suliarigaa

-Meeqqamut pisut allanngortinneqarsinnaanngillat. Ukiut, suliamik aalajangiinngitsoorfiusut meeqqat ineriartornermut pissuserissaarnermik ilinniarnermut kinaassutsimik nassuerutiginninniarnermut allanullu atortariaqaraluarpai. Meeqqalli soqannginnersuarmut nalorniffiusumut, nukiiarfiusumut, atorpai, siulittaasoq oqarpoq.

Meeqqamut kinguneqanerlussinnaanera meeqqat illersuisuanittaaq qularutigineqanngilaq.

- Naatsumik oqaatigalugu meeqqamut kingunerluutaasinnaasut assigiinngitsuupput. Assersuutigalugu meeqqap ineriartornera tarnikkut misigissutsikkullu annertuumik innarlerneqarsinnaapput uani, allaat aamma ilikkartaasaanut sunniuteqarsinnaalluni

Kommune akisussaassueseqarnerusariaqarpoq


Naalagaaffiit Peqatigiit meeqqat pisinnaatitaaffiinik malittarisassaat kommunip malittariaqarai, Meeqqat Ikiortigit meeqqallu illersuisuat isumaqarput. Meeqqat kukkuluttornernut pilliutigineqartassanngitsut taakku naqissusiipput.

- Taama pisoqaraangat kinguneqartitsisoqartarnissaa pisariaqaraluarpoq. Innuttaasut taamatut pilliuteqartartillugit oqartussat aninguiuartarnissaat ilumoorsinaanngilaq, Jonna Ketwa oqarpoq.

- Meeqqap tamatumani annaasaanut kommuni taarserniagassaqaqaaq, taamaaliorsinnaananili. Tassalu suliamik paamaarussineq meeqqap inuuneranik immeraanneruvoq. Piffissaq meeqqamut uteqqinnavianngilaq, Jonna Ketwa oqarpoq. Taassuma ilaqutariit allat taamatut nalaataqarsimasut eqqartuussissuserisumut saaffiginnittarnissaat innersuussutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat