Ministeriuneq nunamut allamut siullermeerluni pisortatigoortumik angalalersoq

Mette Frederiksen, Socialdemokratineersoq, sapaatip-akunnerini marlunni ministeriuneroreerluni nunamut allamut pisortatigoortumik siullermeerluni angalalerpoq, Berlinimullu angalassalluni, Tysklandip forbundkansleria Angela Merkel taassani ataatsimeeqatigissavaa.
Mette Frederiksen nunanut allanut pisortatigoortumik siullermeerluni tikeraartoq. Assi: Scanpix Assi © : Foto: Scanpix
Allattoq Ritzau
juulip 11-at 2019 14:20

Tyskilli naalakkersuisuisa siulittaasuata, Angela Merkelip Mette Frederiksenillu naalakkersuisut siulittaasuisa marluk akornanni Berlinimi ataatsimiinnissap pisortatigoortumik ammarneqarnera issianerat nalinginnaanngilaq.

Tyskit naalakkersuisuisa siulittaasuata peqqissusia ukkatarineqangaatsiarpoq. Pisortatigoortumimmi katerinnerup nalaani ippassaq pingajussaaneerluni tassanngaannartumik sajulerpoq.

Tamanna Finlandimiut ministeriunerata, Antti Rinnep Mette Frederiksenisulli ataatsimeeqatiginissaanut assingusumik pisoqarnerani pivoq.

Sisamanngornermi nalliuttorsiornermi danskit tyskillu inuiattut erinarsuutaat atorneqarput, Angela Merkelilu Mette Frederiksenilu issiavinni tassani issiapput.

Tysklandimit Danmarkimiillu sinniisut sinneri inuiattut erinarsuutit atorneqarneranni nalinginnaasumik pisarnertut nikorfapput.

Angela Merkel ukrainimiut præsidentiannut juunimi tikeraarnermini siullermeerluni sajorujuppoq, tassanilu iluamik imerluarsimannginnini pissutaanerarpaa.

Pingasunngornermi - pingajussaanik sajunnermi kingorna peqqinnerminut tunngatillugu ernumanartoqannginneraraa, nutaarsiassaqartitsivik AFP allappoq.

Merkelilli sajunnerup siulliup kingorna nakorsanit nakkutigineqalereerluni, oqaluttuaraa, suliarlu ingerlalluartoq oqaatigalugu.