'Minik' isiginnaartitsissutigineqarmat Iqalummiut attortissutigigaat
![](/sites/default/files/styles/image_934x467/public/article_images/minik_4.jpg?itok=2tfAEvGu)
![](/sites/default/files/styles/image_934x467/public/article_images/minik_3.jpg?itok=OYOr422R)
![](/sites/default/files/styles/image_934x467/public/article_images/minik_2.jpg?itok=ayOaiyR0)
Isiginnaartut tiguartissimaqisut ukiumut 1897-imut utersaartuusipput.
Isiginnaartitsisartummi sisamat avanersuarmiu, Minik pinngitsaaliissummik 1897-imi New Yorkiliartinneqartoq pillugu takuteqqammerpaat.
-Isiginnaartut pikkugisupilussuuaat attortissimallutik unnersiorput,
taamaattumik assut sunniuteqarpoq, Mike Thomsen oqarpoq.
Miniup ilaqutai pinngitsaaliisaallutik aallartinneqartut ilaat toqukkut qimagupput, ilaallu Avanersuarmut uterlutik.
Minilli New Yorkimiginnarpoq.
Minik katersugaasivissuarmiitillunilu alianartumik misigisaqarpoq, angummi toqungasup saarngi saqqummersinneqarsimasut siormaramigit.
Isiginnaagassiarlu takuktinneqareermat Iqalunni isiginnaariat takusartik ilisarnartoqartissimagaat, isiginnaartitseqataasoq oqarpoq:
- Naggueqatigiit inuit nunasiaanerminni oqaluttuarisaanertik
uagullu Minimmut attuumassutillugit sanilliussisarluta paarlaasseqatigikkattta assut nuannersumik ingerlavoq, Mike Thomsen oqarpoq.
Isiginnaagassiaq nunani allani takutikkusunnarsinnaasoq Mike Thomsenip neriuutigaa.
- Assorujuk New Yorkiliaakkusunnarsinnaavoq, isiginnaagassiarlu nunarsuaq tamakkerlugu takutikkusunnaqaaq.
Isiginnaagassiaq Tysklandimi takunneqaqqaarmat isiginnaartut aamma tiguatilluarsimasut, Mike Thomsen oqarpoq.