Randi Vestergaard Evaldsenip Mimi Karlsen assuarigaa
Atuagagdliutini Mimi Karlsen ima issuarneqarpoq:
- 2013-imi januaarimit 2016-imi januaarimut naammassisaqarnissamut isumaqatigiissusiortoqarsimanera aningaasanut inatsimmi kingullermi 2014-imut atuuttumi allassimavoq. Naalakkersuisut naammassipallattariaqalerpaat, aamma aningaasanut inatsimmi sooq kukkusumik allaqqasoqarnersoq apeqqutiginiarpara.
Læs også Isumaqatigiissummik atsiorneqarani aallakaatitsisartoq
Taamatulli oqarnera Demokraatineersup Randi Vestergaard Evaldsenimit kamaatigineqarpoq taamatullu oqaaseqarnera pisuusaarnertut tunngavissaqanngitsutut taallugu.
- Mimi Karlsen (IA) 2012-imi KNR-imut politikkikkut akisussaavoq. Allatut oqaatigalugu Mimi Karlsenip aamma IA-p KNR-ip angusassat pillugit isumaqatigiissuteqarfiginissaa namminneerlutik isumagisimasussaagaluarpaat.
Randi Vestergaard Evaldsen tusagassiuutinut allagaqaammini taama allappoq imalu nangilluni:
- Demokraatinit erseqqissassavarput isumaqaratta KNR soorunami Namminersorlutik Oqartussanut angusassat pillugit isumaqatigiissuteqartariaqarmat aamma Kulturimut Naalakkersuisup Nivi Olsenip (D) suliassaq aallarteqqullugu atorfilittani peqqoreersimassagai naatsorsuutigaarput.
Aamma atuaruk KNR naammassisaqarnissamut isumaqatigiissutitaqanngitsumik ingerlasoq