USA-mi coronamut akiuussutissat millionilikkuutaat suli atorneqanngitsut
Coronamut akiuussutissat 15 millionit USA-mi tunniunneqarsimagaluartut taakkunannga 10 millioninit ikinnerunngitsut suli atorneqanngillat.
Amerikami peqqinnissaqarfimmi atorfilittat ataasinngornermi taama ilisimatitsipput.
Napparsimmaviit akiuussutissiilertortanngitsut akiligassinneqartarnissaat naalagaaffinni Floridami New Yorkimilu guvernørit sioorasaarutigaat.
- Akiuussutissat qerititsivimmiittuutigineqaratik inunnut atorneqassapput, New Yorkip guvernøria Andrew Cuomo oqarpoq.
AAMMA ATUARUK Biden TV-kkut toqqaannartumik aallakaatinneqartumik coronamut akiuussuserneqartoq
Akiuussutissat 15 millioniusunit 4,5 millioniinnaat nuna tamakkerlugu atorneqarsimasut, USA-mi nappaatinik nakkutilliinermut pitsaaliuinermullu sullissiviup, CDC-ip nalilerpaa.
Tamanna USA-mi peqqissutsimut oqartussat akiuussutissap innuttaasut ilaannit allaallumi peqqinnissaqarfimmi sulisut ilaannit qularutigineqarneranik ilungersuuteqarnerannik ilaatigut peqquteqarpoq.