Biden TV-kkut toqqaannartumik aallakaatinneqartumik coronamut akiuussuserneqartoq

USA-mi præsidentinngortussaq, Joe Biden, coronavirusimut akiuussutissamik Danmarkimi nalunaaqutaq naapertorlugu ataasinngornermi unnukkut kapitippoq.

Taassuma USA-mi naalagaaffimmi najugaqarfigisaani, Delawaremi, napparsimmavimmi akiuussuserneqarnera TV-kkut toqqaannartumik aallakaatinneqarpoq. Taamaaliornera coronavirusimut akiuussutissat piareeqqammertut navianannginnerannik amerikamiunut paasititsiniaanerup ilagaa.

AAMMA ATUARUK Bush, Clinton Obamalu coronavirusimut akiuussutissamik kapitinnissaminnut akuersisut

Bidenip amerikamiut akiuussutissamik kapitinnissamik neqeroorfigineqarunik akuersinissaannut kajumissaarpai. Isumakuluutissaqanngitsorlu, taanna aamma erseqqissaavoq.

78-inik ukiulik præsidentinngortussaq nakorsaasiorfissuit Pfizerip BioNTechillu akiuussutissaliaannik kapitippoq.

Akiuussutissaq taanna EU-mit ataasinngormat unnukkut inaarutaasumik akuerineqartoq, USA-mi siusinnerusukkut akuerineqarpoq.