Mette Frederiksen: Ataasinngorpamiit ammaqqikkiartornerulersinnaavugut

Ammaqqikkiartornerulernermut pilersaarut Danmarkip ministeriunerata sisamanngorpat saqqummiutissavaa.
- Inuppassuit erinitsaqqasut nalunngilara. Danmarki ataatsikkut tamaat ammaakkusukkaluarpara, taamaaliornerumali nalinginnarsornerulluinnassaaq. Taamaattumik ataasinngorpamiit killilersukkamik ammaqqikkiartornerulissasugut innersuussutigaara, Mette Frederiksen oqarpoq. Assi © : Philip Davali/Ritzau Scanpix
Allattoq Ritzau
maajip 07-at 2020 08:22
Nutserisoq Paninnguaq Steenholdt

Danmarki ataasinngorneq maajip ulluisa aqqarngat aallarnerfigalugu ammaqqikkiartornerulissaaq.

Ministeriuneq Mette Frederiksen Folketingimi partiit siuttui pingasunngornermi ataatsimeeqatigereerlugit taama nalunaaruteqarpoq.

Atugassanik pisiniarfiit, nerilunniartarfiit kaffisorniartarfiillu, neriniartarfiit, pisiniarfissuit atuartullu angajulliit atuarfii ammaqqissasut danskit naalakkersuisuisa kissaatigaat.

AAMMA ATUARUK Danskit naalakkersuisui 197 milliardit koruuninik amigartuussangasut

Pineqartut pilersaarusiornissaminnut piffissaqarluarniassammata pilersaarummik sisamanngornermi saqqummiisoqarnissaa pingaaruteqartoq, ministeriuneq erseqqissaavoq.

Taamaattumik Folketingemi partiit siuttui sisamanngornermi ataatsimiinnerminni pilersaarummik isumaqatigiissuteqapallassapput.

- Ammaqqikkiartorneq ajornakusoorlunilu mianersornartorujussuuvoq. Inuppassuit erinitsaqqasut nalunngilara. Danmarki ataatsikkut tamaat ammaakkusukkaluarpara, tamannali nalinginnarsorneruallaassaqaaq. Taamaattumik ataasinngorpamiit killilersukkamik ammaqqikkiartornerulissasugut innersuussutigaara, Mette Frederiksen oqarpoq.

Aamma atuaruk