Meeqqerivinniittuutitaqarneq akikinnerulissaaq
Kommuneqafik Sermersuumi meeraaqqerivinniittuutitaqarneq meeqqerivinniittutitaqarnerlu 1 ausut akikinnerulissaaq.
Kommuneqarfik Sermersuumi kommunalbestyrelsemi ilasoortat isumaqatigiillutik aalajangerput meeqqerivinniittuutitaqarneq akikinnerulissasoq. Kommunenut allanut sanilliulugu kommmuneqarfik sermersuumi akisunerusimavoq
- Kommuninut allanut sanilliussigaangatta takusinnaasarparput, kommuneqarfik Sermersuumi angajoqqaanut akiliuteqartitsisarneq qaffasittoq, taamaammat alloriarsinnaanngoratta nuannaarpunga aamma malunnaataassaaq angajoqqaanut meerartalinnut, Kommuneqarfik Sermersuumi borgmesteri Asii Chemnitz Narup taama oqarpoq.
Isertitaqartut tamarmik akikilliliineq malugissavaat, angajoqqaat akunnattumik imaluunnit isertitakinnerpaat annerusumik akikillisaavigineqassaapput.
Aamma atuaruk Asii-aningaasaqarnerput-akisussaassuseqartumik-aqulernikuuarput
Meeqqerivinniititaqarnermi akiliutigineqartartoq qaffasinnerpaaffilerneqarpoq tassalu akiliutigineqartartup qaffasinnerpaaffia qaammammut 2500 kr-niussaaq isertinneqarneqartartut annertussusia apeqqutaatinneqararani aamma paaqqinniffiimiititaqarnermut neqeruutigineqartut apeqqutaatinneqaratik.
Meeqqerivinniititaqarnermut appartinneqarnissaannut Kommuneqarfik Sermersuup ukiormannamut missingersuusiorneranut ilannguneqarpoq.
- 2016-mut missingersuusiornitsinni 5 million kr-nik immikoortippagut taakkua meeqqerivinnut akinik appaanissamut atorneqartussat. Atorfilittat misissuereermata 1 august aallarnerfigalugu meeqqerivinniittuutitaqarneq akikinnerulissaaq Asii Chemnitz Narup taama oqarpoq.
Aamma atuaruk kommuneqarfik-sermersooq-naatsorsuutigisamit-sinneqartooruteqarnerusoq