Meeqqat Ulluat Qaqortumi malunnartinniarneqarpoq
Ullaap tungaa qulinut Qaqortumi meeqat ulluat malunnartinniarlugu meeqqerivinni assigiingitsuneersut Puilasumi katersuummata taamatut nipeqarput.
Meeqqerivinnit assigiingitsuneersut meeqqat 220-it missaaniittut tissaluttumi katersuuteqqaarput, ilaatigut borgmester Simon Simonsen pilluaqqussimmik oqaaseqartunut ilaalluni.
Meeqqat aalliangersimasumik qulequtaqangillat, ulluip sinnera arsaatarfitoqqami assigiingitsunik pinnguartoqassalluni ilaatigut utoqqaat isikkamik arsaanermik unammineqassallutik.
Nanortalimmi meeqqat isumaqarput inersimasut aalakoornartulinnik imerajuppallaartut, borgmesterilu Tage Frederiksen oqaaseqarnermini taamatut aamma oqaaseqarsimasoq, ilanngutassiortoq Anda Adolfsen oqarpoq.
Narsami meeqqat ullaaq aamma kommunip allaffiata silataani katerisimaartinneqarput, ullorlu arsaatarfimmi nanginneqassasoq Narsami pinaveersaartitsinermut siunnersorti Bolethe Stenskov oqarpoq.
