Meeqqat ulloriarsiorsinnaalerput

Nunatsinni meeqqat ulloriarsiornissamut periarfissaqalerput.

Pullattagarujussuaq angallattagaq ”iglo”-mik atserneqarsimasoq seeqqumiarlunilu iserfigineqarsinnaasoq, silaannarsuarmiittuusillunilu misigiffiusinnaasoq, Grønlandsk teknologisk selskab-ip, tassa INUTEK-ip pilerseqqammerpaa.

Pullattakkap iluani meeqqat atuartut 25-t ilinniartitsisorlu ataaseq issiasinnaapput. Taqqamani issiaarnermi silaannarsuup assinga qilaami qaarajuttumi seqersartoq atorlugu seqersinneqarsimasoq isiginnaarneqarsinnaassaaq. Pullattakkap iluani takusassat ulloriaannaassanngillat, aammattaaq seqineq seqineqarfiullu qanoq iluseqarnera nassuiaaserlugu takutinneqartassapput. Taamaalilluni seqernup qulaatungaani qaartoqartarnerata kingunerisaanik arsarnerit qanoq pilersarnerat nassuiarneqartassalluni.

Taamatuttaaq timmissat ingerlaarfii nassuiarneqarsinnaassapput.

- Meeqqat nunatsinniittut allatulli silaannarsuup pissusiinik paasisaqarnissaminnut periarfissaqartariaqarput, INUTEK taama nalunaarpoq.

Ulloriarsiooq ”Iglo” Katuami oktoberip ulluisa 14-ianni 15-iannilu takuniarneqarsinnaalissaaq.