Meeqqat pitsaanerusunik atugaqartinnissaat akisussasoq
Tamanna misissueqqissaarnermit isumaginninnermut naalakkersuisumit, Martha Lund Olsenimit marlunngormat saqqummiunneqartumi atuarneqarsinnaavoq.
Nunatsinni meeqqanik sullissineq Finmarkimi Norgep avannaaniittumi Naalagaaffiit Peqatigiillu meeqqat pillugit isumaqatigiissutaannik atuutsitsisumi meeqqanik sullissinermut sanilliunneqarpoq.
Finmarkimilu atuuttut Nunatsinni atuutilersinneqassappata ukiumut 100 millionit koruunit 500 millionit koruunik akornanni akeqassasoq, misissuinermi inerniliunneqarpoq.
Aningaasalli taakku nassaarineqariaannaannginnamik suliaq ataatsimoorullugu suliarineqartariaqartoq, Martha Lund Olsenip oqaatigaa.
- Inatsimmik taamaattumik aningaasassaqartinnagu Naalakkersuisutut soorunami saqqummiussisinnaanngilanga. Taamaattumik Inatsisartunut partiini assigiinngitsunit ilaasortat isumasiussallugit pisariaqartorujussuuvoq, Isumaginninnermut naalakkersuisoq, Martha Lund Olsen taama oqarpoq.