Meeqqanut kalaallisut atuagaq nutaaq
Aqipi tassaavoq toornaaraq itsaq Tunumi pisimasuutitaq. Taanna piffissami siumut utimullu angalasinnaavoq tammartajaarlunilu ullutsinnut apuuppoq Nunatta Katersugaasivianiilerluni tassanilu sumiinnini paatsiveerulluinnarpaa.
- Ukiut arfinillit kingullit maani katersugaasivimmi sulivunga saqqummersitat ilusilersortarlugit. Maannilu itsarnitsanik takusassaqarmat eqqarsaatigisarsimavara itsaq inuit ullutsinnut pisuugunik qanoq eqqarsarsimassagaluarnersut. Tamakku isumassarsiorfigalugit atuagaq suliaraara, Naja Rosing-Asvid oqarpoq.
Eqqumiitsuliortut illussanik titartaasartutut ilinniarsimasoq ilaatigut qiperukkanik, frimærkinik marrarnillu suliaqartarsimavoq. Uanilu titartaanermut piginnaasani atorluarsimavai. Atuakkap assiliartaasa kusarnartut eqqartorneqartut ilisarnarsisippai.
- Atuakkami saaffigineqartut tassaapput meeqqat sisamaniik qulingiluanut ukiullit titartaagama taamatut ukiulinnut naleqqussaaniarsimavunga. Atuakkap suliarinerani katersugaasivimmi siumortakkat atorluarniarsimavakka taamaasillunga itsarnitsat nutaaliallu akuleriisinniarsimallugit, atuakkiorngaartoq oqarpoq.
Atuakkiortoq atuagarlu uani atuarneqarsinnaapput: www.najarosingasvid.dk