Meeqqanut atuakkat marluk ullumi saqqummerput
Atuakkat danskisuut marluk aallaaviusimapput, tassaasut Da Martins bedstefar døde aamma Mor er psykisk syg, Anna Rosenbeckimit Inger Thormannimillu atuakkiarineqarsimasut.
Atuakkat taakku marluk meeqqat inersimasullu oqaluuserisassanik artornaraluarlutik, meeqqalli oqaasertalersuinissaannut misigissutsinillu anitsinissaannut pingaaruteqartunik oqaloqatigiissuteqarneranni aallaavittut atorneqarsinnaapput.
-Artornartut oqaluuserissallugit qanoq iliussanerlu ilisimaqqissaanngikkaanni ilungersunartupilussuusinnaavoq. Anaanap qasusoorsimanera imaluunniit aataap toqusimanera pillugu meeraq qanoq ilillugu oqaloqatigineqassava. Atuakkamik ataatsimooruteqarluni oqaloqatigiissinnaaneq meeqqap anguninissaa imaluunniit soqutiginnilersinnissaavoq. Aliasunneq toqqortiinnarsimasartik annikkajuttarpaat, taamaammat atuakkat siunertariaqartoq malillugu atorneqarsinnaanerinik tamanna ersersitsivoq, Amalie Lynge Petersen knr.gl-imut oqarpoq.
Saqqummersinneqarnerat malunnartinniarlugu tallimanngornermi 10. maj, nal. 15-17 Katuap Inersuaaraani ilasseqatigiittoqassaaq. Naalakkersuisoq Martha Lund Olsen oqalugiassaaq Amalia Lynge Pedersenilu atuakkat pillugit nassuiaateqassalluni.
