Meeqqanik atoqatiginnittunik assilisanik siammarterineq pillugu eqqartuussivilersuussineq aallartittoq

Meeqqanik atoqatiginnittunik assilisanik siammarterisimasutut pasineqartut danskit inuusuttuaqqat 1004-t pillugit eqqartuussivilersuussineq Randersimi Lyngbymilu eqqartuussiviit suliaralugit ullumi aallartippaat.
Suliami pineqartumi inuusuttut 1000-it sinnilaarlugit pornonik meeqqanik inuttalinnik nassiussilluni siammarterisimasutut politiinit unnerluutigineqarpout, taakku ilagaat nunatsinneersoq ataaseq.
Allattoq Karsten Sommer
februaarip 05-at 2018 09:31
Nutserisoq Mads Lynge

Inuit ikinnerpaamik 1000-it politiinit unnerluutigineqarput, angut kalaaleq inuusuttoq 18-inik ukiulik taakkununnga ilaalluni.
 
Inuusuttuaqqat marluk videoliami atoqatigiittut, niviarsiaraq nukappiararlu 15-inik ukiullit, taarsiivigineqarnissartik maanna piumasaraat, katillugit 175.000 koruuninik taarsiivigineqarnissartik piumasaralugu.
 
Eqqartuussivilersuussinermi suliap siulliup Randersip eqqartuussiviani aallartinneqarnerani 15-inik ukiullit taakku eqqartuussissuserisuisa tamanna nalunaarutigaat.
 
- Videoliaq pineqartoq peerneqarsinnaanngilaq. Nittartakkami quppernerit ilaannit peerneqaruni nittartakkami allami ikkunneqariaannaavoq, niviarsiaqqap eqqartuussissuserisua Ole Søgaard-Nielsen, oqarpoq.
 
Arnap inuusuttup 100.000 koruuninik taarsiivigineqarnissaa eqqartuussissuserisup piumasaraa, arnarmi inuusuttoq videoliap siammarterneqarnerata kingunerisaanik kingunerlutsitsimmat taarsiivigitinneqartariaqartoq eqqartuussissuserisup oqaatigaa:
 
- Nunarsuup illuatungaanut nuunnissaa siunnersuutigineqaraluarpoq, videoliarli tamaani aamma takuneqarsinnaavoq, Ole Søgaard-Nielsen oqarpoq.

AAMMA ATUARUK Meeqqat internetimik atuinerannut angajoqqaat akisussaasuusut

AAMMA ATUARUK Kalaaleq meeqqanik atoqatiginnittunik siammarterisimasutut unnerluunneqartoq

Nukappiaqqap videomi peqataasup 75.000 koruuninik taarsiivigitinnissani piumasaraa.
 
Randersimi Lyngbymilu eqqartuussivinni suliat ullumi aallartinneqartussat misiliuttaapputvideoliamik siammarterisimasutut pasisanut 1000-init amerlanerusunut allanut suliassanut tikkuussisuusinnaanissaat naatsorsuutigineqarluni.
 
Angut kalaaleq inuusuttoq pasisanut ilaavoq, assinik ukiut marluk matuma siornatigut siammartereqataasimasutut pasineqarluni.
 
Angut pineqartoq suliamut atatilllugu politiinit killisiorneqareerpoq, suliallu ingerlateqqinneqarnissaanut atatillugu inatsisitigut naliliisoqarnissaa maanna tullinnguuttoq, soorlu aamma sulianut allanut tunngatillugu maanna naliliisoqassasoq, Kalaallit Nunaanni Politiit unnerluussisussaatitaanerata Tobias Bergip KNR-imut ilisimatitsissutigaa.

AAMMA ATUARUK Inuusuttorpassuit pornomik meeqqanik inuttalimmik siammarterisimasutut unnerluutigineqartut

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk