Martha Abelsenip Tasiilaliarnissani aalajangiusimagaa

Tasiilami nunattalu sinnerani meeqqat ikiorserneqarnerannut Danmarkip ikiortiserinissaanik partiit amerlanerussuteqartut piumasaqarnerat Naalakkersuisut akueraat.
Tunumi ajornartorsiutit nammineq takoqqaarlugit Tasiilami nunattalu sinnerani meeqqat kinguaassiutitigut atornerlugaasimasut ikiortariaqartullu ikiorserneqarnerinut Danmarkimit ikiorneqarnissamik noqqaassuteqartoqassanngitsoq Martha Abelsenip ippassaq tikillugu aalajangiusimavaa. Asseq: KNR Assi © : KNR
Allattoq Christine Hyldal
maajip 28-at 2019 11:14
Nutserisoq Simon Uldum

- Tasiilaliarnissannut tunngavioqqissaarpoq innuttaasut ataatsimiisinneranni peqataatinneqarnissaat. Uani akisussaaffimmik tiguseqataallutik alloriaqatigiissinnaanissaq: Sumununa sammisumik aaqqiissuteqartariaqartugut? Aallaruma taakanngaanniit uniinnarnani ingerlaannarsinnaasumik iliuuseqarnissaq, Isumaginninnermut naalakkersuisoq  Martha Abelsen (S) taama oqarpoq.

AAMMA ATUARUK Kielsen Tasiilamik ikioqqunissaq pillugu: Siumut ikinnerussuteqalerumanani tunniutiinnarpoq

Tunumi ajornartorsiutit nammineq takoqqaarlugit Tasiilami nunattalu sinnerani meeqqat kinguaassiutitigut atornerlugaasimasut ikiortariaqartullu ikiorserneqarnerinut Danmarkimit ikiorneqarnissamik noqqaassuteqartoqassanngitsoq ippassaq tikillugu aalajangiusimavaa. 

Pineqartoq naatsumik
- DR-ip piviusulersaarutaa "Byen hvor børn forsvinder" Tasiilamut tunngassuteqarpoq.
- Tasiilami meeqqat pingasuugaangata ataatsip kinguaassiutitigut atornerlugaasimasarnera meeqqallu marluugaangata ataatsip kommunip isumaginnittoqarfianut suliassanngortinneqarsimanera piviusulersaarummi saqqummiunneqarpoq.
- Piviusulersaarutip kingunerisaanik Tasiilami nunattalu sinnerani isumaginninnikkut ajornartorsiutit kingumut oqallissaaqqilerput.
- Illuatungiliuttut partiillu tapertaasut Demokraatit aalajangiiffigisassatut siunnersuummik pingasunngormat saqqummiussipput: Naalakkersuisut isumaginninnikkut ikiorneqarnerunissamik Danmarkimut noqqaassuteqarnissaart piumasaqaatigaat. - Taamatut piumasaqaateqartoqarnera Naalakkersuisut mtaasinngornermi maajip 27-ani akueraat.

Tasiilamili nunattalu sinnerani meeqqat piaarnerpaamik ikiorserneqarnissaannut Danmarkip ikiortiserinissaanik partiit amerlanerussuteqartut piumasaqaataat Naalakkersuisut ippassaq akueriinnarpaat. 

Partiit amerlanerussuteqartut tassaapput illuatungiliuttut partiilu Naalakkersuisunut tapertaasoq Demokraatit. Naalakkersuisut isumaginninnermut suliassaqarfimmi Danmarkimit ikiorneqarnissamik noqqaassuteqarnissaat taamaalilluni qularnaarneqarpoq.

Isumaginninnermi siunnersortit amigaatigineqartut

Aalajangiiffigisassatut siunnersuut Inatsisartuni ippassaq siullermeerneqarpoq, juunillu tallimaani aappassaaneerneqassalluni. Martha Abelsenillu (S) tamatuma kingorna Folketingimut juunip tallimaani qinersinerup kingorna danskit naalakkersuisuinut toqqaannartumik saaffiginninnissani naatsorsuutigaa.

Sutigulli ikiuisoqassanersoq Siumumit oqaatigineqarsinnaanngikkallarpoq. Isumaginninnermi siunnersortinik, tarnip nakorsaannik assigisaanillu ikiuisoqarnissaa Demokraatit siunnersuutigaat, taakkulu meeqqat sumiginnagaasimasut kinguaassiutitigullu atornerlugaasimasut pillugit suliat sulisunit ikitsuinnarnit isumagineqartut qaleriaatiinnalersimasut iliuuseqarfiginiartussaassavaat. 

AAMMA ATUARUK Kim Kielsenip allattaa appisaluussivoq: Facebookikkut soraarniuteqartoq

- Piumaffigineqarpugut Naalakkersuisut sumiginnaasarneq pillugu nuna tamakkerlugu pilersaarusiassamik sanassasugut. Taannalu suliaq ingerlavoq, kommunit ataasiakkaat tamavimmik tikillugit orninneqarnikuupput. Tassanngaanniit soorpiaat amigaatigineqarnersut takusinnarlugit saaffiginnissutissap ilusilernissaa sammissavarput, Martha Abelsen KNR-imut oqarpoq.

Tasiilami kinguaassiuutitigut innarliinerit

Tasiilami pigisaanilu kinguaassiuutitigut pinerliinerit ukiut pingasut kingulliit ingerlaneranni 193-it nalunaarutigineqarput.

Meeqqanut kinguaassiuutitigut atornerluinerit 20-t siorna nalunaarutigineqarput.

Tasiilami pigisaanilu meeqqanut kinguaassiuutitigut pinerluttuliornerit 15-it maanna suliarineqarput.

Meeqqat illersuisuata aamma nalunaarutigaa nalunaarutigineqarsimanngitsut amerlasoorujussuusut.Agguaatigiissillugu meeqqat pingasuugaangata ataaseq kinguaassiutitigut atornerlugaasarpoq, meeqqallu marluugaangata ataaseq kommunemi isumaginninnikkut suliassaasarpoq.

.

- Nalunngilarput socialrådgiverinik amigaateqarneq annertoorujussuusoq, kisianni aamma isiginiartariaqarparput socialrådgiverit ullumikkut, soorlu Kommuneqarfik Sermersooq eqqarsaatigiinnarlugu, taakku qanoq atorpagut? Atuarfinni ataasiakkaani socialrådgiverinik peqarpugut, kisiannilu toqqaannartumik isumaginnittoqarfinni sullissisussanik amigaateqarluta.

Kommuni ataatsimeeqatigerusukkaa

Danmarkip Radioata piviusulersaarutaata "Byen hvor børnene forsvinder"-ip (Illoqarfik meeqqat qimagussorfiat, aaqq.) aallakaatinneqareersoq isumaginninnermut suliassaqarfik kingumut annertuumik oqallisaaqqilerpoq. Tasiilamili pissutsit ajorluinnarnerat nutaajunngilaq. Tamannami ilaatigut Meeqqat pisinnaatitaaffiinut sullissiviup MIO-p nalunaarusiaani arlalinni kommunillu tungaanit ukiuni kingullerni ersersinneqareerpoq.

AAMMA ATUARUK Borgmesteri Tasiilaq pillugu: Naalakkersuisunut ikioqqugatta itigartitaavugut

Taamaakkaluartorli Martha Abelsenip ajornartorsiutaasut nammineq takujumallugit Tasiilaliarnissani aalajangiusimavaa. 

- Tasiilaliarnissara aalajangiusimavara. Taanna Tasiilamut tunngaqqissaarpoq. Suliaq naammassigukku uterumalu, Kommuneqarfik Sermersuumik naapitsinissara kissaatigereernikuuara, Martha Abelsen oqarpoq.