Marie Fleischer-i akissummik tunineqarpoq

Namminersornerullutik Oqartussat suliffeqarfiutaanni pisortat siulersuisuinilu ilaasortat pissuserissaarnissaannut malittarisassiuunneqarnissat naalakkersuisunit pilersaarutigineqanngilaq. Naalakkersuisut siulitaasuat Hans Enoksen Demokraatit sinnerlugit inatsisartunut ilaasortap Marie Fleischerip apeqquteqaataanut akissuteqarluni nalunaarpoq.

Paragraf 36 malillugu apeqquteqaaterpassuit ilaanni pisunik naammattoorneqarsinnaajumaartunik naalakkersuisut qanoq isumaqarnersut Marie Fleischer ujartuivoq.

Assersuutigalugu pisortaq siulersuisuniluunniit ilaasortaq nuliaminik persuttaasimappat imigassartorsimatilluniluunniit biilersimappat qanoq pineqarsinnaanersoq apeqqummi ujartorneqarluni.

Naalakkersuisut siulitaasuata Hans Enoksen-ip pisinnaajumaartussanut isummerusunngilaq ileqqorissaarnissaq pillugu nalinginnaasumik malittarisassaqanngimmat. Taamaakkaluartoq annersaasarneq persuttaasarnerillu Hans Enoksenip akuerinngilai taamatullu inatsisinik unioqqutitsinerit.