Malittarisassat oqallisaaqisut: Namminersorlutik Oqartussat peqatigiiffinnut paasissutissiiniartut
Paasissutissiineq Nuummi kulturikkut illorsuarmi Katuami aqagu ataasinngornermi pissaaq.
Sulisitsisut, NUSUKA, Kalaallit Nunaanni Timersoqatigiit Kattuffiat KNAPK-lu qaaqqusanut ilaapput.
Coronavirus pillugu malittarisassat kingulliit piffissaq kingulleq paatsiveqannginnerarlugit isornartorsiorneqartareersullu Strategisk Corona Stab - tassa Pisortaqarfinni coronalerisoqatigiit - malittarisassat erseqqissaaviginialerpaat.
Paasissutissiinerup saniatigut nunatsinni coronap tuniluunneranut suliniutit pillugit saqqummiussisoqassaaq.
AAMMA ATUARUK KNAPK Sulisitsisullu: Naalakkersuisut ilaatinnata aalajangiisarput
Malittarisassat naapertuutinnginnerarlugit Sulisitsisut isornartorsiornikuuaat. KNAPK-llu Naalakkersuisut pitsaanerusumik attaveqaqatiginissaat ujartorlugu.
Inuit amerlanerpaamik 100-it, silamilu 250-it katersuussinnaapput. Malittarisassarlu januaarip 31-ata tungaanut atuutissaaq.
AAMMA ATUARUK Kim Kielsen: Ukioq manna pissartanngorniuttoqassanngilaq
Katersuuttarnerit pillugit maleruagassat atuuttut peqqutigalugit peqatigiiffiit suliniaqatigiiffiillu qaaqqusat kisimik peqataasinnaapput. Aaqqissuussaanermit ataatsimit inuit amerlanerpaamik marluk peqataatitaqarsinnaallutik.