Malik Berthelsen Meeqqanut ambassadørinngortinneqartoq
Qeqqata Kommuniani borgmesteri Malik Berthelsen (S) Meeqqanut amabassadørinngortinneqarpoq.
Meeqqat illersuisuat Aviâja Egede Lynge, MIO-meersoq, ambassadørinngortitsisuuvoq. Malik Berthelsenillu meeqqat inuusuttullu pisinnaatitaaffiinik Naalagaaffiit Peqatigiit meeqqanut isumaqatigiissutaanni nassuiarneqartunik sulissuteqarnera tunngavilersuutigaa.
- Malik Berthelsenip ulluinnarni sulinermini pimoorussilluni meeqqat inuusuttullu – inuit allat naligalugit – immikkoortinneqarnatik assigiimmik pisinnaatitaaffeqartut kiffaanngissuseqartullu takutittarpaa, tamanna Meeqqat illersuisuiata tunngavilersuutaani ilaatigut atuarneqarsinnaavoq.
AAMMA ATUARUK Nye sager er altid udfordrende
AAMMA ATUARUK MIO-p tikeraarnera Qeqqata Kommunianut 49-nik nalunaaruteqartitsisoq
Aviaja Egede Lyngep Qeqqata Kommunia meeqqanik sullissinermut tunngatillugu maligassiuinerarpaa, Naalagaaffiit Peqatigiit Meeqqat Pisinnaatitaaffii pillugit Isumaqatigiissutaat tamakkiisumik isiginninneq tunngavigalugu Qeqqata Kommunia ingerlatsiniarnera pissutigalugu.
Qeqqata Kommunia sapaatip akunnerani uani ullormi ataatsimi sammisaqartitsivoq qulequtsikkaminik ”Qeqqata Kommuniani meeqqat inuunerissut”, tassa MIO-p 2017-mi oktobarimi angalanerminit nalunaarusiamini innersuussutigisai tunngavigalugit.
AAMMA ATUARUK Sisimiuni meeqqanik inuusuttunillu sullissineq isornartorsiorneqartoq
AAMMA ATUARUK MIO-p nalunaarusiaa nikallornartortaqarpoq
