Mærskip uuliamik gassimillu nioqqutissiortarnini allamut tunivaa
![](/sites/default/files/styles/image_934x467/public/article_images/oliepriser.jpg?itok=DowXeaOn)
Mærskip uuliasioqatigiiffiup tunineqarnissaa piffissami sivisuumi kissaatigisimavaa.
Totalimullu tunisinermi Mærsk aktianik 3,76 procentinik piginneqataassaaq.
Akiitsooreersut 2,5 milliardit dollarsit Totalimit tiguneqassapput.
Suliffeqarfiup pisisisup Maerskip Københavnimi Esbjergimilu allaffeqarfigisai tigussavai.
Taamatuttaaq suliffeqarfiup Danmarkimi Norgemi Hollandimilu suliassaqarfii ingerlaannassapput, Danmarkilu qitiusoqarfiussalluni.
Isumaqatiginniarnerit aappaagu ukiup aallartilaarnerani aallartissapput. Tamannali unammilleqatigiinnermut pisortaqarfiup akuereqqaassavaa.