Tusagassiuut: Trump immaqa ukiuni 20-ni akileraartarsimanngitsoq
Donald Trumpip akileraarnikinnerusimanera pillugu oqallittoqartuarsinnarpoq.
USA-mi præsidentinngorsinnaasoq 1995-imiilli aningaasarsiaminit akileraartarsimanngitsoq, aviisip The New York Timesip ullumi sapaammi allaaseraa.
Donald Trumpili inatsisinik unioqqutitsisimanngilaq.
USA-mili aningaasarsiaqqortunerit akileraarnikinnerusinnaanerannut periarfissat atorluaannarsimagai The New York Timesip allaaseraa.
916 millionit dollarinik annaasaqarsimanini Donald Trumpip 1995-imi nammineerluni nalunaarsuinermini nalunaarsorsimavaa, aningaasallu taakku akileraarutissanut ilanngaatitut atorsimavai, inatsisinillu unioqqutitsinngikkaluarluni ukiuni 18-ini akileraaruteqartarsimanani.
Ritzau