Isumasiuisitisarfiup Voxmeterip Ritzau sinnerlugu paasiniaanerani, Socialdemokraatit qinersisartut 25 procentiinit taaneqartussatut nalilerpaat. Tamanna kingullermik 2011-imi qinersisoqarneranit annertunerulluni.
Ajornartorsiulli ataasiinnaavoq, tassalu Socialdemokraatit siuariarnertik atorsinnaassagunannginnamikku. Tassami maanna naalakkersuisooqataat, Det Radikalet kinguariartussatut isumasiuinermi paasineqarmat.
Danmarkimi partiit aappaluttunik, tassa saamerliounerusut taasinerit 46,5 procentiinit pissarsisussaasut isumasiunermi paasineqarpoq, talerperliillu tungujortunik pisagaat, 51,7 procentinit taaneqassasut paasineqarluni.
Tungujortut taama amerlatigisunit taaneqarnissaannut Dansk Folkeparti pisooqataaneruvoq, tassami taakku 5,9 procentimik siuariartussatut isumasiuinermi paasineqarmat taamaalillutik qinersisaryunit 18,2 procentinit illersorneqarumaartutut tagginneqarlutik.
/ritzau/
