Hong Kongimi ilungersuutillit 14-it nunap aaqqissuussaaneranik akerliliiniartutut pisuutinneqartut

Kinami oqartussat politikkikkut illuatungiliuttunik akiuiniarlutik isumannaallisaaniarnermut inatsit akuersissutigimmassulli, inuit tamat oqartussaaqataasinnaanissaannik Hong Kongimi ilungersuutillit 14-it tigusaraat.

Hong Kongimi eqqartuussivik nunatta nalunaaqutaa naapertorlugu unnuaq taama aalajangiivoq.

Inuit eqqartuussivimmut sassartinneqartut nunap aaqqissuussaaneranik akerliliiniartutut pisuutinneqarput.

Inuit katillugit 47-t unnerluutigineqarput. Inuit tamat oqartussaaqataasinnaanissaannik ilungersuutillit nuimanerit ilaat, siornatigullu politikeriusimasut unnerluutigineqartunut ilaapput.

Inuit 31-t taassuma saniatigut pisuunerarput, marlullu allat pinngitsuutinneqarput. Eqqartuunneqartut inuunermi sinnerani parnaarussassanngortinneqaratarsinnaapput.

Ukiup massuma ingerlanerani pineqaatissiisoqarumaarpoq.

Unnerluutigineqartut amerlanerit eqqartuussivimmut siullerpaamik 2021-mi marsimi sassartinneqarmatali parnaarussaaqqapput.

Inuit Hong Kongimi illuatungiliuttuneersut naalakkersuisunik uppisitsiniartutut pasineqarput.