Hongkongimi nutaassiassanut aaqqissuisuunerit tigusarineqartut
Hongkongimi aviisimi Apple Dailymi aaqqissuisuunerit marluk nunap sillimaniarneranut navianartorsiortitseqataasimasutut, Hongkongimi politiinit pasineqarput.
Nutaarsiassaqartitsivimmi aaqqissuisuunerit Ryan Law aamma Cheung Kim-hung politiinit sisamanngornermi inigisaat tamaat misissoqqissaarneqartut, aviisi allappoq.
Kinamiut naalakkersuisuisa tusagassiuutit inatsimmik nutaamik atuutilersitsinikkut kiffaanngissusiiarniarsarigaat, isornartorsiuisut oqarput.
AAMMA ATUARUK USAp Hongkongimi aallartitaa: Hongkongimi pinngitsaalisaasutut misigisimaneq
Nutaarsiassaqartitsiviup Apple Dailyp misissueqqissaarfigineqarnerani politiit 500-t sinnerlugit sulipput. Tamaani qarasaasiat iPadillu uppernarsaatitut atugassatut puussiamut ikiorarneqarput.
Apple Dailyp Kinamut immikkut ittumik sukannersumillu iliuuseqarnissamut allaaserisamini kajumissaaruteqareersorlu misissuisoqalertoq, Hongkongimi oqartussat oqartut, AFP allappoq.
Isumanaallisaanermut inatsisitaap atuutilerneraniit aallaaserisat aalajangersimasut aallaavigalugit Hongkongimi aatsaat tigusarinnittoqarpoq.
Sillimaniarnermut inatsit nutaaq pinngitsaaliinikkut Kinap atulersinnikuuaa.