USAp Hongkongimi aallartitaa: Hongkongimi pinngitsaalisaasutut misigisimaneq

Hongkongimi isumannaallisaanermut inatsisip nutaap atuutilersinneqarneratigut illoqarfissuarmi kiffaanngissuseqarnerup ulorianartorsiortinneqarnera malunnartoq, USA-p Hongkongimi aallartitaasa qullersaat, taama oqarpoq. Hongkongip nunat tamat aningaasarsiornikkut inissisimanera aamma ulorianartorsiortinneqartoq, nutaarsiassaqartitsivik ritzau taama allappoq.

Amerikamiut Hongkongimi generalkonsuliata, Hanscom Smithip, Kinamut isornartorsiunermini oqarpoq, aallartitatut suliat nalinginnaasut, soorlu Hongkongimi suliniuteqartunik naapitsisarnerit ataatsimeeqateqartarnerillu, Kina-p sunniuteqarnerisigut isaasalerlugu aserorneqartut.

AAMMA ATUARUK Nunaminnik pingaartitsisuinnarnik aqutsisoqalersaarneq Hongkongip aqutsisuata tapersersoraa

Nunat killiit Hongkongimi pisinnaatitaaffiit kilillersuiffigineqarneranut isumakuluuteqarnerat, Hanscom Smithip oqaaseqarneratigut uppernarsarneqarpoq.

Hongkongimi illuatungiuliuttut pisinnaatitaaffeerunneqartut isornartorsiuisut oqarput.

Hongkongimi pisinnaatitaaffiit ulluinnarnilu inuuneq killilersorneqarput.

- Inerteqqutit sumut killeqarnersut innuttasut ilisimajunnaarpaat, isumannaallisaanermullu pisinnaatitaaffiit toqqammaviusut misigissutsinik ajortunik pilersitsipput, aamma niunernikkut pissutsit ajorput, Hanscom Smith.

Hongkongimi isumannaallisaanermut inatsit annertooq siorna atuutilersinneqarpoq.

Inatsisip atuutilersinneqarneratigut, Hongkongimi suliffeqarfiit ilaatigut tamat oqartussaaqataanikkut ingerlanneqartut, Kinami atorunnaarsikkiartorneqarnerat isornartorsiuisunit oqaatigineqarpoq.