Løviusorineqartoq Berlinimi suli nassaarineqanngilaq
Politiit 220-nit amerlanerit, helikopterit timmisartuaqqat inuttaqanngitsut assiliiviillu kissarnermik ersersitsisartut atorlugit løveq Berlinimi illoqarfiup ilaanni Kleinmachnowmi ippassarli ujalerpaat.
Ujaasineq aallartippoq inuit marluk pingasunngornerup unnuaani løvimik takusaminnik mobiliminnik filmiliaat, politiinit uppernarsarneqarmat.
Kleinmachnowip borgmesteria, Michael Grubert tusagassiutinut nalunaarummi ippassaq ualikkut taama allappoq.
Kingornalu løvi politiinik aamma takuneqartoq politiit oqaaseqartartuat Kerstin Schroeder AFP-mik issuarneqarpoq.
Løvip suminngaanneernera ilisimaneqanngikkallarpoq, uumasuusiviimmi cirkusillu illoqarfiup qanittuaniittut løvimik tammaasaqanngillat.
Berlinimili poitiit Kleinmachnowmi najugalinnut taakkulu uumasuutaannik angerlarsimaannaqqusipput.