Appat kaallutik kujataani toqusut
Aalisarnermut Piniarnermullu Naalakkersuisoqarfik tassunga atatillugu timmissat toquinnarsimasut atornissaannut mianersoqqusipput.
Maannakkut Danmarkimi inuussutissalerinermik ilisimatusarfiup DTU Veterinærinstituttip Pinngortitaleriffiullu appat toquinnarsimasut, perlerlutik toqusimasut paasivaat.
Appat katillugit 20-it misissorneqareersut paasineqarpoq appat saluttuararsuusut ukiuuneranilu oqimaassuserisartagaat 40 %-mik appasinnerusoq.
AAMMA ATUARUK Appat pillugit misissuisoqalersoq
Siornartigut 2004-mi 2014-milu kujataani appat toquinnartartut naammattoorneqartarsimapput. Taamanikkut aamma timmissat perlerlutik toqusarsimasut misissuinerit takutippaat.
- Timmissat ukiuunerani akulikitsumik perlertarnerat uteqqialersimasoq, Pinngortitaleriffimmi Seniorforsker Flemming Ravn Merkelip oqaatigaa.
Timmissani misissorneqartuni pingasut timmissat nualluutaannik nassaarfigineqarput, nualluullu taanna timmissani nalinginnaasuuvoq ulorianartuunanilu.
Nunatsinni Uumasunut Nakorsaqarfik Inuussutissalerinermullu Oqartussaqarfimmiit Pinngortitaleriffimmiillu timmissanik toquinnarsimasunik naammattuuisoqarnerani piaartumik ilisimatitsisoqartarnissaa kissaatigi-neqarpoq. Ilanngullugu ilisimatitsissutigineqarpoq timmissat toquinnarsimasut passutilinniginnerini Uumasunik Nakorsaqarfik attavigineqaqqaartassasoq.
AAMMA ATUARUK Naalakkersuisoq: Appat eqqissisimativinneqassanngillat
