Appat pillugit misissuisoqalersoq
Appaqarfiit ilaanni appat aalaakkaagasaraluarput, appalli ikliartornerat sumik pissuteqarnersoq paasiniarlugu biologit paasiniartussanngorpaat.
Upernavimmi avannaatungaanilu appat pillugit ilisimasat maanna tusarniarneqalerput.
Pinngortitaleriffik taama nalunaaruteqarpoq.
Pinngortitaleriffimmeersut biologit sisamat Nunatta avannaatungaani appat pillugit innuttaasunik apersuiartuutigalutik februaarimi ataatsimiisitsiartussapput.Kullorsuaq, Nuussuaq, Tasiusaq Upernavillu tikinneqassallutik.
AAMMA ATUARUK Pilersaarutit Pinngortitaleriffiup iluaqutaassasorinngilai
Innuttaasunik ataatsimiisitsisoqalerpat Pinngortitaleriffiup appat pillugit misissuisarnerinik paasititsiniaasoqassaaq, aamma biologip Ph.D.-nngorniartullu, Aili Lage Labansenip, ilinniaqqinnerminut atatillugu Upernavimmi pigisaanilu najugaqartut appat pillugit ilisimasaat paasiniaavigissavai.
Upernaviup avannaatungaani appaqarfissuit imminnut qanikkaluarlutik appaqassusiat assingiinngillat.
Apparsuit-arni appat ikiliartorput, Kippakumili appat aalaakkaallutik.
Aili Lage Labansenilu appat ikiliartornerat aamma appaqarfiit ilaasa aalaakkaasarnerat pillugit misissuissaaq
innuttaasullu ukiup annersaani appaqarfikkoortartut appat pillugit ilisimasaat paasiniaaffigissallugit.
AAMMA ATUARUK Appanniarnissaq mianersoqqussutigineqartoq