USA-p nunanut allanut tunngasuni ministeria, Marco Rubio præsidentip Donald Trumpip Kalaallit Nunaata pisiariniarlugu oqarneranik asuli quiasaarutaannaannginneraanera Danmarkip Kalaallit Nunaatalu ataqatigiinnerannut allannguinngilaq.

Kalaallit Nunaata USA-mut tuninissaa soqutigisarinngikkitsik, Danmarkip nunanut allanut tunngasuni ministeria Lars Løkke Rasmussen Rubiop oqaasii pillugit TV2 Newsimut tallimanngornermi ullaakkut oqarpoq.

Nutaarsiassaqartitsivik Ritzau taama allappoq.

- Taama pisoqarnavianngilaq. Kalaallit inuiaapput. Kalaallit Nunaat FN-imit illersugaavoq. Taamaattoqarnavianngilaq, Lars Løkke TV 2 Newsimut oqarpoq.

Marco Rubiop SiriusXM Radiomit apersorneqarnerani tamanna sammineqangaanngitsoq, taassuma TV 2 Newsimut ilanngullugu maluginiaqquaa.

- Oqallisigisaat akileriilluni oqallisigisassaqqissuunerarai aamma maluginiarpara. Amerikamiut soqutigisaata ilai aamma itisilingaatsiarpai, soqutigisaallu Kunngeqarfitta soqutigisaanut ataasiakkaanut tamanut assingupput, Løkke oqarpoq.

USA-p Kalaallit Nunaannut tunngatillugu siunertai naleqquttuaannanngissinnaasartut, Rubiop ippassaq sisamanngornermi nassuerutigaa.