Loch Nessip uumasorujuata angerlarsimaffia silap pissusiata allanngoriartorneranik eqqugaasoq
Tasipiluunersuaq Skotlandimiittoq Loch Ness-Sø, maanna silap allanngoriartorneranik sunnerneqarsimasoq nutaarsiassanik siammarteriviup AFP-p allaaseraa, tasersuup taassuma qangarsuaq uumasorujussuaqarsimanini ilisimaneqaatigaa.
Tamaani 2023-mi panernersuaqarpoq, tamatumalu kinguneraa tatsip ulinnerpaaffissaa tassa qummut killinga 1990-kkulli aallartinnerani uuttortarneqartalerneraniit maanna appasinnerpaaffissaminiilersimammat.
Tasersuaq taanna Skotlandip avannaa tungaaniippoq 36 kilometerillu ungasissuseqarluni sanimullu 3 kilometeriulluni.
Taseq itinerpaaffissamini 200 meterinik ammut itissuseqarpoq.
Oqaatigineqarporlu aamma taserpassuit Skotlandimiittut allat silap allanngoriartorneranit aamma sunnerneqarsimasut.
Skotlandimi nunap panernera uumasoqassutsimut aamma tuppoq – matumani skotlandimi kapisileqassuseq appariarujussuarpoq aammalu nunaateqarneq nukissiuteqarnerluni innarlerneqarlutik.