Elvis Presley-p meeratuaa, Lisa Marie Presley 54-nik ukioqarluni ippassaq toquvoq.
Anaanaa, Priscilla Presley, aviisimut magasinet Peoplemut oqarpoq.
Lisa Marie Presley Californiami angerlarsimaffimmini uummataa unimmat ambulancenik sukkanerpaamik ippassaq sisamanngornermi napparsimaviliaanneqaraluarpoq.
Elvis Presley pillugu filmiliaq ”Elvis” Golden Globesimi pingasunngormat nersorniarneqarnerani arni filmimilu Elvisiusaartoq filmiliaritittartoq Austin Butler peqatigalugit najuuppoq.
Lisa Marie Presley februaarip aallaqqaataani 1968-mi Memphisimi Tennesseemiittumi inunngorpoq.
Angajoqqaami katinneranniit qaammatit qulingiluarpiaat qaangiuttullu.
Elvis angerlarsimaffimmini Gracelandimi Memphisimiittumi toqusimasoq ukiut marluk qaangiunneranni nassaarineqarpoq.
Taamani Elvis toqummat pania Lisa Marie qulingiluanik ukioqarluni anaananilu angerlarsimaffigisaminniipput, taamanikkummi ukiut sisamat sioqqullugit angajoqqaavi avissimapput.
Lisa Marie Presleyp inuunera uivernermik tusaamasarsuunerullu silarsuaaniinnermik imaqarsimaqisoq oqaatigineqarpoq.
Angummi tumai atuarniarsaralugit nipilersortartutut inuuvoq, nuuteeqqanillu nuannarineqarluartunik sisamanik saqqummersitsinikuulluni.
Inuunermini sisamariarluni katippoq, taakkununnga ilaalluni qaammatini 21-ni katissimasimasani poppimik erinarsortartoq tusaamasarsuaq Michael Jackson.
Lisa Marie Presleyp ernini imminormat 2020-mi annaavaa.
Lisa Marie Presleyp qitornani pingasut qimatarai.
