Libanonimi sanaartoqqittoqaqqissinnaalerpoq
Israelimiut nunarsuarmioqatigiinnut tunniutiinnarput. Libanonimi umiarsualiviit mittarfiillu matoqqatinneqarneri ullumikkut ammaqqinneqarput. Taamaalilluni Libanonimi sanaartoqqittoqaqqissinnaalerpoq:
Israelimiut sapaatip-akunnerini arfineq-pingasuni Libanon nunanut allanut attaveqaataanik matoqqatitsereerlutik ammaasullu ippassarli nuannattoqarpoq. Ataatsimiinnermi ammaasoqarnissaa saqqummiunneqarmat inuit ersaattaapput. Beirutillu mittarfiani taxat assartuisut ullaaq imaaginnavipput, mittarfiillu unnuk manna atulerput.
- Libanonimi mittarfiit ammarneqarnissaat pingaaruteqartorujussuuvoq. Sunali aamma tunuliaqutigalugu ammarneqarsimanersut paasissallugu pingaaruteqarpoq. Libanonimi naalakkersuisut ilungersuanissaat israelimiunit kissaatigineqarpoq, Beirutimi innuttaasut ilaat TV-eqarfimmut taama oqarpoq.
Libanonip sineriaanik nakkutilliisussat tyskinit akisussaaffigineqarput.
Tusatsiakkallu naapertorlugit Frankrigip, Grækenlandip, Italiap Tulut Nunaatalu, umiarsualiinissaannik tyskit piumasaqarniarput.
Nunat allat, soorlu Danmark, umiarsualiiniarlutik neqerooruteqarsimapput, tyskilli tamatumunnga akuersissanersut ilisimaneqanngilaq.
