Leona Aglukkaq: Naalakkersuisut Nunavummi inuussutissanut tapiissuteqartarput
Nunavummi nerisassat nioqqutissallu allat akisunerujussuat Canadami naalakkersuisunit iliuuseqarfigineqartartoq, taassuma oqaatigaa, Canadami naalakkersuisut Nunavummi nioqqutissat akisuallaannginnissaat pillugu tapiissuteqartarnerarlugit.
AAMMA ATUARUK Nunavummi naggueqativut inuussutissat akisuallaarneri pillugit akerliussutsimik takutitsisut
Nunavummi illoqarfinni nunaqarfinnilu pisiniarfiutillit tapiissutit tamakku pisisartunut iluaqutaasussatut atorneq ajoraat, Aglukkap oqaatigaa, tassami aningaasaliissutit ilaatigut pissutaallutik nioqqutissat akikinnerulernissaat siunertaammat.
Ilaqutariippassuit akissaqanngillat
Terry Audla, Inuit Tapariit Kanatami siulittaasuusoq, ataatsimiinnermut aamma peqataavoq, taassumalu tusagassiortunut oqaatigaa, ilaqutariippassuit inuussutissanik akisuupilussuarnik aammalu imassanik piniarnermut atugassaminnik pisinissaminnut akissaqanngitsut.
- Taamaammat naggueqatigiit inuit maanna ikiorserneqartariaqarnerat pingaaruteqarluinnarpoq, Terry Audla oqarpoq.
AAMMA ATUARUK Nunavummi naggueqativut nerisassaaleqiuarsinnartut