Nunavummi naggueqativut inuussutissat akisuallaarneri pillugit akerliussutsimik takutitsisut
Leesee Papatsie, akerliussutsimik takutitsinernut aaqqissuisuuvoq. Taassuma suliniut Feed my family, ilaquttakka nerisassaqartikkimik nutserneqarsinnaasoq, aallartinnikuuaa.
Nunavummi nerisassat akiisa qaffasippallaarnerat naammagineqanngilaq, Nunavummilu ajornartorsiutit annerit ilagigaat nalunaarutigineqarluni, tassami Nunavummi nerissat akisuallaarnerat ilaatigut pissutaalluni Nunavummi innuttaasut 70 procentii pallillugit naammattumik nerisaqarneq ajorput.
AAMMA ATUARUK Nunavummi naggueqativut nerisassaaleqiuarsinnartut
Assersuutigalugu immuk 2 liiteri Nunavummi nunaqarfiit ilaanni 100 koruuninik akeqarsinnaasarpoq.
Innuttaasut pisiniarfiit silataanni akerliussutsimik takutitsinissaat Leesee Papatsiep kajumissaarutigaa, pisiniarfinni pisiniartoqannginnissaannik kissaateqarluni, naammaginninnginnertik taamaaliornermikkut takutinniassagamikku, Papatsie oqarpoq.