Leinep atuakkiaa nutaaq assigiinngitsunik nalilerneqartoq
![](/sites/default/files/styles/image_934x467/public/article_images/kim_leine_01.jpg?itok=-47-NTCr)
Leinep atuakkiarisartagaani allanisuulli atuakkami pisut Nunatsinni pisimasuutinneqarput.
Tamatumuuna Tasiilami ukiumi 2025-mi, Europa sorsuffiullunilu ajunaarnersuaqarfiusoq Nunatta akuliuffiginaveersaarsimavaa.
Nunatsinni inuuneq pisarnermisut eqqissisimasumik ingerlavoq, aammali piffiit nutaat Nunatsinni atuutilersimapput.
Aamma atuaruk Kim Leine nersorniarneqartoq
Tusagassiorfinnut nalunaarutigineqartut naapertorlugit, atuakkiaq tassaasimagaluarpoq Norgemi festivalertoqarneranut atatillugu Europa pillugu allaaserisaq. Allaaserisarli takivallaalersimammat atuakkiatut naannerusutut maanna saqqummersinneqarpoq.
Atuagarli “De Søvnløse” danskit nutaarsiassaqartitsiviisa naliliisartuinit assigiinngitsunik nalilerneqarpoq. Aviisip ullormut saqqummersartup Informationip atuakkap allaaserineranut "Kalaallit Nunaat pillugu misigisassatsialak" qulequtsiussimavaa, aviisillu Berlingskep atuakkap naliliiffiginerani ullorissanit arfiniliusunit marluinnarnik tunivaa atuagarlu "puaatsoorutitut" taallugu.
Kim Leinep siornatigut oqaatigisimavaa atuakkiami "Profeterne i Evighedsfjorden"-ip Nunat avannarliit siunnersuisoqatigiivisa atuakkiamut nersornaasiuttagaannik 2013-imi nersornaatisissutigisami nanginneranik suliaqarluni.
Aamma atuaruk Kim Leine nunani allani atuakkanik naliliisartunit nuannarineqarluarpoq