Kim Leine nunani allani atuakkanik naliliisartunit nuannarineqarluarpoq
![](/sites/default/files/styles/image_934x467/public/article_images/kim_leine_01.jpg?itok=-47-NTCr)
Atuakkiaq oqaluttuarisaanermut tunngavoq, Maniitsup eqqaani 1700-kkunni pisimasuutinneqarluni. Nunasiaatillit kalaallillu kulturikkut aporaannerat sammineqarpoq - qallunaap/norgemiup palasip, kalaallillu, akerliuniartut pruffiitit akornanni aporaanneq oqaluttuarineqarluni.
Aviisimilu Sunday Timesimi nalilersuisartunit nuannarineqarluarpoq, soorlu aamma aviisimi The Guardianimi naliliisartunit nuannarineqarluarpoq.
Aamma atuaruk Kim Leine nersorniarneqartoq
Nunarsuup oqaluttuarisaanerani nunap amerlasuunit annerusumik ilisimasaqarfigineqanngitsup Kim Leinep atuakkiamini oqaluttuarilluaraa, aviisip The Guardianip naliliisartuata oqaatigaa.
Atuagaq "Profeterne i Evighedsfjorden", Nunat Avannarliit Siunnersuisoqatigiivisa atuakkianut nersornaasiuttagaannik 2013-imi tunineqarpoq.