Kim Wall-iugaluup aningaasaateqarfia Nunarput pillugu atuakkiassamut aningaasaliisoq
Legatimik tunniussisoqarmat Kim Walliugaluup ilaqutai tunnissuteqartuupput - legatilu sorsunnersuup aappaata kingorna nunatsinni G-50-imi G-60-milu politikki ingerlanneqarsimasoq pillugu suliaqartumut tunniunneqarpoq.
Tusagassiorfiit nunanit assigiinngitsuneersut taama allaaserisaqarput.
Kim Wall danskimit aqqartartuutilimmit siorna inuartarineqarpoq suliarlu Københavnimi eqqartuussivimmit sapaatip akunnerata siuliani aallartinneqarpoq, tusagassiortuusimasullu ilaqutai legatimik tunniussiartorlutik New Yorkiliarput.
AAMMA ATUARUK Kalaallit naleqqussarnissamik kissaateqarnikuupput
Danskeq tusagassiortoq antropologerlu Anne Kirstine Hermann legaatinnarppoq. Taanna ilaatigut nunatsinni, Latinamerikami, Tysklandimi USA-imilu sulisimavoq, tunissuteqarfigineqartorlu nunatsinni nunasiaataanerup kingorna pisut pillugit atuakkiortussaq 30.000 koruuninik tunissuteqarfigineqarpoq.
- Danskit amerlanngitsut Kalaallit Nunaata nunasiaataasimanera pillugu ilisimasaqarfigaat, Anne Kirstine Hermann svenskit nutaarsiassaqartitsivianut TT-mut oqarpoq.
Kim Wallip ataqqineqarnera eqqaamaneqarnissaalu anguniarlugu ilaqutaasut aningaasaateqarfik pilersippaat.
AAMMA ATUARUK Danskip aqqartartuliortartup eqqartuussaanera aallartittoq
