Laust Peterlu puisip amianik nammattagalerlutik sorsugiartut

Danmarkip Radioata oqaluttuarisaaneq pillugu aliikkutassiatut tv-kkut nangeqattaartuliaanik 1864-imik sapaatip unnukkuani aallakaatinneqartartumik malinnaasut, sakkutuut puisit amiinik nammattagaqarnerat maluginiarsimassajunnarsivaat.

Sakkutuulli puisit amiinik nammagaqartinneqarnerat atisanik ilusilersuisartup isumassarsiariinnanngilaa. Nammattakkammi taakku 1864-imi sorsunnermi atorneqartut assigeqqissaarpaat, Danmarks Radioata nangeqattaartuliami 1864-imi atisanik ilusilersuisartua, Manon Rasmussen, taama oqaluttuarpoq.
 
- Nammattakkat taamani atorneqartut assilillugit suliaraagut. Puisit amii pisoqqat igiinnagassaagaluit atorpagut. Aamma sorsunnermi atorneqarsimasutut isikkoqartilersillugit nungullarsarlugit suliaraagut.
 
Manon Rasmussen oqaluttuarisaaneq pillugu misissuisoqarfik Dybbøl Banke suleqatigalugu, taamani sakkutuut atisassaasa qanoq isikkoqarnissaat pillugu malittarisassat toqqorsivinni nassaarisimavai. Taakkunanilu allassimavoq danskit sakkutuuisa puisit amiinik nammattagaqarnissaat piumasaqaataasoq.
 
- Puisimmi amia pitsaalluinnartuuvoq, oqitsunnguullunilu imermik pitarneqarsinnaannginnami, oqaluttuarisaaneq pillugu misissuisoqarfimmi Dybbøl Bankemi pisortaq katersugaasiviullu pisortaa, Bjørn Østergaard, taama oqaluttuarpoq.

Tv-kkut nangeqattaartuliami 1864-imi Laust, Peter inuttaasullu allat pillugit DR-ip nittartagaani atuagassaqarpoq.

Tv-kkut nangeqattaartuliaq sapaatit tamaassa DR 1-ikkut nal. 20 aallakaatinneqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat