Tuluit Nunaat Labourimi ilaasortat 8-t akerliullutik ilaasortaajunnaartut
Tuluit Nunaanni politikkikkut aalassassimaartoqartuarsinnarpoq. Tuluimmi Nunaanni partiit illuatungiliuttut annersaanni Labourimi ilaasortat arfineq-pingajussaat ullaaq maanna ilaasortaajunnaarnini nalunaarutigaa, siulittaasumut Jeremy Corbynimut isorinninnini pillugu tunuarluni.
Partiimi illuatungiliuttumi Labourimi siulittaasoq, Jeremy Corbyn.
Allattoq Karsten Sommer
februaarip 20-at 2019 09:26
Nutserisoq Mads Lynge
Tuluit inatsisartuni ilaasortat arfineq-marluk allat Labourimit ataasinngormat anipput, arlaannaannulluunniillu attuumassuteqanngitsumik gruppiliorniarnertik tassani nalunaarutigalugu.
Partiillu naalakkersuisuutitaqartup konservatiivit ilaasortaatitaasa akornanni pingasut ilaasortaajunnaartut maanna aamma nalunaarutigineqarpoq. Tuluit nutaarsiassaqartitsiviat Reuters taama allaaserisaqarpoq.
Ilaasortat konservatiivineersut arlaannaannulluunniit attuumassuteqanngitsut gruppiannut ilanngunniarnertik aamma nalunaarutigaat. BBC taama allaaserisaqarpoq.
Labourip konservatiivillu Brexitimut atatillugu aqutsineq naammaginagu ilaasortat Labourimeersut konservatiivineersullu partiiminnit anipput.
