Labour Tuluit Nunaanni ajugaarujussuartoq
Tuluit Nunaanni ministeriuneq allanngortussanngorpoq. Labour amerlanerussuteqartussanngortoq maannamut kisitsinerit takutippaat.
Tuluit partiiata Labourip siuttua, Keir Starmer, ministeriunerunngortussanngorpasippoq.
Allattoq Helle Nørrelund Sørensen
juulip 05-at 2024 08:25
Nutserisoq Jaaku Lyberth
Tuluit Nunaanni inatsisartunut ippassaq qinersisoqarmat partii socialdemokraatiskiusoq Labour Underhusemi amerlanerussuteqarnissaminik qulakkeerinnippoq.
Inatsisartunut qinigaasut kikkuuneri suli qulakkeerneqanngillat.
Tuluit Nunaanni inatsisartunut ilaasortat 650-iusarput, taakkunanngalu Labour 329-nik qinigaatitaqarpoq. Amerlanerussuteqarnissamut 326-nik qinigaatitaqartariaqarpoq.
Ministeriunerup Det Konservativie Partiineerrup Rishi Sunak-ip Labourimi siulitaasoq Keir Starmer ajugaaneranik ullaarmanna pilluaqquaa
- Qinersinermi uani Labour ajugaavoq.
- Ajorsarnerput akisussaafigaara, Sunak oqarpoq,
Labour kingullermik taama qinigaalluartigivoq 1997-mi.
