Løkkep VLAK pilersinniarunnaarai - partiit akulliit peqataatillugit naalakkersuisoqatigiinnik pilersitsiniarpoq
Ministeriunerup Lars Løkke Rasmussenip (V) naalakkersuisoqatigiit VLAK Folketingimut pingasunngorpat qinersinerup kingorna pilersinniarunnaarpai. TV2-mut taama oqarpoq.
Ministeriunerullu partiit akulliit peqataatillugit naalakkersuisoqatigiinnik pilersitsinissaq sulissutiginiarpaa.
- Venstremit ilaasortatigut aqagu siuariaqqissimassappata partiit akulliit peqataatillugit naalakkersuisoqatigiinnik pilersitsisoqarsinnaanersoq nukikka misilittakkalu tamaasa atorlugit misissussallugu aalajangerpunga, Lars Løkke Rasmussen TV2-mut marlunngornermi ualikkut oqarpoq.
- Talerperliit saamerliillu akornanni katersuuttoqartariaqarpoq, ministeriuneq oqarpoq.
Venstre 2015-imi juunimi Folketingimut qinersisoqarmalli danskit naalakkersuisui siuttuuffigai.
Partiip Liberal Alliance De Konservativellu novembarimi 2016-imi suleqatigilerpaa, naalakkersuisoqatigiillu VLAK-imik taagorneqalerput.
Danskit naalakkersuisuisa suleqatigiinnerup nanginnissaa qineqqusaarutigigaluarpaat. Qinersisartunilli isumasiuinerit naapertorlugit partiit saamerliit siuarujussuartussatut naatsorsuutigineqarput.
/ritzau/
