Arctic Umiaq Line nutaamik pisortaqalerpoq
Umiarsuaatileqatigiiffik Royal Arctic Line nittarttamini taama nalunaaruteqarpoq.
Sinerissami ilaasunik angallassisartut umiarsuaatileqatigiiffianni Arctic Umiaq Linemi pisortanngortoq ateqarpoq Aviaja Lyberth Lennert.
AAMMA ATUARUK RAL-ip Arctic Umiaq Line tamakkiisumik tigugaa
Taassuma Verner Hammekenip atorfianik taarserpaa, Verner Hammeken siorna juulip qaammataani pisortatut atorfeqarpoq taamanilu umiarsuaatileqatigiiffimmi siulersuisut aqutsillu taarserneqarput.
Nutaamik pisortartaarnerup saniatigut siulersuisut nutaanik marlunnik ilaasortaqalerput.
AAMMA ATUARUK Arctic Umiaq Linemi siulersuisut nutaat
Ilaasortanngortup aappaa tassaavoq Royal Arctic Linep pisortaa siusinnerusukkut Arctic Umiaq Linemi pisortaasimasoq Verner Hammeken. Verner Hammeken Arctic Umiaq Linemi aamma pisortaasimavoq.
Verner Hammeken umiarsuaatileqatigiiffimmi sinerissamik ilaasunik angallassisartumi Arctic Umiaq Line siulersuisuini siulittaasunngorpoq.
Anders Bay Larssen Arctic Umiaq Linemi siulersuisuni nutaatut ilaasortanngorpoq Ann-Britta Olsvig qinigaaqqittoq.
Arctic Umiaq Linemi siulittaasutut tunuartoq Taitsiannguaq Olsen aamma siulersuisuni ilaasortaq Tommy Ege Kristensen siulersuisuni ilaasortaajunnaarpoq.